بس كمان بقول ليك تحت تحت البنات بكبرن الابهات أســرع
الكلام ده الجابو شنو: شهاب ولدي قبل سبعة يوم احتفلنا بي عيد ميلاد العاشـــــــر ... وانا قاعد كدة بعاين فيهو ..قلت سبحان الله وماشاء الله.... يا ود الرضية ما اتلحست بعد ده هاهاهاهاهاها دي العيال فعلا كبرت
مش يوم ولادتو بس لكن اكان ما خاف الكضب اقول ليكم بتذكر يوم ولادتي انا ده .......الدنيا جارية جري شديد وبقت ماعندها اي فرملة ......بقينا نتلاقى بالصدفة
هسسي النور حامد القدامكم ده ...يمكن آخر مرة اتلاقينا أيام المرحوم كمبال كان في الرياض يعني ستة سنة كدة... تمشي البلد تسال من الناس الغايبين يقولوا ليك في التعوسية دي...تجي هنا ربما سنين حتى تلاقي واحد بالصدفة
هو في ايييييييه يا زعمات المصريين
أمي حواء الله يرحمها دايما بتقول ليك كلام وبتبداهو : يازعمات الراجل: انا في الاول كنت فاكر انو هي بستدل بي كلام راجل ...بس في النهاية لقيت ليك القصــة كلها من راسا ... بس عشان التأكيد وخلق نوع من الغموض ..بتقول ليك يا زعمات الراجل هاهاهاهاهاهاها
يعني تاني اي زول فيكم داير يقول ليهو كلام ويقشو سااااااكت كدة من غير مصدر : يقول يا زعمات الراجل
وأمي حواء عندها أمثلة كدة برضو بتقولا: بس أشهر واحد (العفن بالزكمة) هاهاهاهاهاهاهاها لسة بستخدما وبي مزاج كمان
يتبع
ليست هناك تعليقات:
إرسال تعليق