كما قال الاخ الحاج عبد المولى بان الموضوع شيق وجميل ولكن لدى اضافه بالنسبه للجزارين كان فى السابق شيخهم حاج جمه المشهور ب وتيش السمين وهذا نوع من الخراف الصغيره البج السمينه وايضا كان مشهور بكلمه دائما يرددها فى الصباح عندما ينادى زباينه لكى يشتروا تعال اكل الله لاكربها تعال اكل الله لاكربها الله لاكربها ومن الجزارين حاج الشيخ ابراهيم وكان عكس حاج جيمه كان يزبح عبد الجليل وعبد الجليل هو لحم الماعز وكان اذا جاء اليه زبون وساله ماذا عنده من انواع اللحم ضان ام ماعز كان يقول عندى عبد الجليل الداير اللجى يشترى والما داير يشوف غيرى وكان يقول والله يالصلاحيه اتفلهمتو فلهمه شديده لحم الماعز مابتاكلوا جدودكم اكلوا الرمم وكان حاج الشيخ بيسلف بعض الناس اى بيطلق اللحم ومن زباينه النساء السكينه الفكى ادريس وزينب المهدى ابوسموره والتكل على عمر وكان يسجل اللحم الذى يبيعه بالدين فى دفتر وكانت كتابته ضعيفه ولايعطى اى احد يكتب له كان يسجل السكينه الفكى ادريس السكه الفكه الدروش ويسجل زينب المهدى ابوسموره زنب الهدى ابو اموره وكان يسجل التكل على عمر التلكل على عرم
طبعا انا كنت وقتها شاهد عيان وكان عيسى ولده كان ينادينى ويقول تعال شوف ابوى بسجل الاسماء كيف وانا كنت بجى مع والدى حامد الريح والذى كان يزبح ايضا عبد الجليل وفى فترات متقطعه لانه كان يزرع البحر فى خور رمله وهو مكان مزرعه الليمون الحاليه ويزع ابو جموع والشواديف ومن الجزارين محمد احمد الصديق ود التويجر ابو الفا ضل ومن الجزارين يوسف ود الحسن الذى كان يزبح عبد الجليل شرطاً ان يكون ذكر لا انثى وله حكايه مع الانثى ويعرفها الذين عاصروه ومن الجزارين القادمين من سوق 24 القرشى هم ام حومد ودبابكر الخليفه ود حاج جمه
وجمه ودالشيخ
وبابكر على حسين وكان يوسف ودفع الله معاون وقتها لا ام حومد ود بابكر
ومن المعاونين للجزارين اى الكرشنجيه عبد القادر تتكم العشاء ود دفع الله و السر من حريدانه كان صديق لوالدى ومعاون له ومشهور بنفخ المراره وعبد القادر ودعبد السلام ترقى فى مابعد الى جزار وتاجر سنمكه وتاجر عيش الى ان وصل الان رجل اعمال
والذين كانوا يمونون الجزارين بالخراف وعبد الجليل
كان ابرزهم الها دى ود الحسين والمهدى ود الحسين اخوه وحاج مزكه ودابى الليل قبل حكايه الشيك المضروب وموسى الدفيس وعبد الوهاب ودفضل الله
ومن التشاشين اى الذين يفرشون فى الارض القوى ودحانيت ودا مشهور بالويكه البتكتف السوسيو ومحمد على ود الذين اخ ام حومد ود الذين ودا مشهور بالاسود وقليل من الفواكه وحاصه المنقه وود القوى من القراصه وود التجانى من القراصه وود الزبير دا من الجمالاب وكان يجيب حاجات شويه كان الناس لايشترونه واذكر كان يبيع شرموط الصيد ودهن النعام وشعر الزرافه وريش النعام وجلود التمساح والورل وكان ايضا يشترى جلد الاصله من الدرادر وحضرته اكثر من مره يشترى جلد الاصله كما قالت بنتنا بنت الدرادر اللهم ارحمهم ان كانو اموات واستر عليهم واحفظهم ان كانو احياء ومن التشاشين ويوسف ود البدرى وكان يوسف ود البدرى يبيع مع البخور واللوبان قليل من العطور مثل بنت السودان والفرير دمور وذات مره جاء اليه زبون من منطقه ما ليشترى منه ريحه لزوجته التى اوصته بان يشترى لها الريحه من احمد ودصبير صانقير المشهور بالريحه الطيبه والجديده ولكن الراجل اشترى من ود البدرى لرخص السعر وعندما ذهب الى زوجته اخبرها بانه اشترى لها ريحه بنصف السعر من ودالبدرى فما كان من زوجته الا ان هبت فيه وثارت عليه غطباها لانه جاب لها الريحه المعتته من ود البدى والتى زعمت فيها بان هذه الريحه من زمن جدها حى
ما كان من الرجل الا ان شال الريحه وذهب لود البدرى فى الدرادر وقابل ودالبدرى وطلب منه ترجيع الريحه ولكن ود البدرى كان انسان ذكى ذكاء يشهد له الجميع بذلك لقد قال ود البدرى للراجل خلى الريحه عندك ولاتغير شى واذهب الى زوجتك وقل لها يامره جننتينا وكملتى قروشنا بالريحه الغاليه حقت صانقير وقول لزوجتك بان ريحه ود البدرى رجعتها له واشتريت ليكى ريحه من ود صبير بسعر ضعف سعر ريحه ود البدرى مرتين فعلا ذهب الراجل واخبر زوجته بانه اشترى ريحه من ود صبير بسعر عالى جدا
قالت له ادينى اياها لكى اشمها وعند ماشمتها قالت له دى الريحه والا بلاش عليك الله هاك شم الريحه دى حلوه كيف
شكرا لبنت الدرادر التى رجعتنا الى الماضى والحنين اليه وكان ذلك قبل اكثر من ثلاثين سنه
منسوخه من ذاكره التاريخ
لى عوده
طبعا انا كنت وقتها شاهد عيان وكان عيسى ولده كان ينادينى ويقول تعال شوف ابوى بسجل الاسماء كيف وانا كنت بجى مع والدى حامد الريح والذى كان يزبح ايضا عبد الجليل وفى فترات متقطعه لانه كان يزرع البحر فى خور رمله وهو مكان مزرعه الليمون الحاليه ويزع ابو جموع والشواديف ومن الجزارين محمد احمد الصديق ود التويجر ابو الفا ضل ومن الجزارين يوسف ود الحسن الذى كان يزبح عبد الجليل شرطاً ان يكون ذكر لا انثى وله حكايه مع الانثى ويعرفها الذين عاصروه ومن الجزارين القادمين من سوق 24 القرشى هم ام حومد ودبابكر الخليفه ود حاج جمه
وجمه ودالشيخ
وبابكر على حسين وكان يوسف ودفع الله معاون وقتها لا ام حومد ود بابكر
ومن المعاونين للجزارين اى الكرشنجيه عبد القادر تتكم العشاء ود دفع الله و السر من حريدانه كان صديق لوالدى ومعاون له ومشهور بنفخ المراره وعبد القادر ودعبد السلام ترقى فى مابعد الى جزار وتاجر سنمكه وتاجر عيش الى ان وصل الان رجل اعمال
والذين كانوا يمونون الجزارين بالخراف وعبد الجليل
كان ابرزهم الها دى ود الحسين والمهدى ود الحسين اخوه وحاج مزكه ودابى الليل قبل حكايه الشيك المضروب وموسى الدفيس وعبد الوهاب ودفضل الله
ومن التشاشين اى الذين يفرشون فى الارض القوى ودحانيت ودا مشهور بالويكه البتكتف السوسيو ومحمد على ود الذين اخ ام حومد ود الذين ودا مشهور بالاسود وقليل من الفواكه وحاصه المنقه وود القوى من القراصه وود التجانى من القراصه وود الزبير دا من الجمالاب وكان يجيب حاجات شويه كان الناس لايشترونه واذكر كان يبيع شرموط الصيد ودهن النعام وشعر الزرافه وريش النعام وجلود التمساح والورل وكان ايضا يشترى جلد الاصله من الدرادر وحضرته اكثر من مره يشترى جلد الاصله كما قالت بنتنا بنت الدرادر اللهم ارحمهم ان كانو اموات واستر عليهم واحفظهم ان كانو احياء ومن التشاشين ويوسف ود البدرى وكان يوسف ود البدرى يبيع مع البخور واللوبان قليل من العطور مثل بنت السودان والفرير دمور وذات مره جاء اليه زبون من منطقه ما ليشترى منه ريحه لزوجته التى اوصته بان يشترى لها الريحه من احمد ودصبير صانقير المشهور بالريحه الطيبه والجديده ولكن الراجل اشترى من ود البدرى لرخص السعر وعندما ذهب الى زوجته اخبرها بانه اشترى لها ريحه بنصف السعر من ودالبدرى فما كان من زوجته الا ان هبت فيه وثارت عليه غطباها لانه جاب لها الريحه المعتته من ود البدى والتى زعمت فيها بان هذه الريحه من زمن جدها حى
ما كان من الرجل الا ان شال الريحه وذهب لود البدرى فى الدرادر وقابل ودالبدرى وطلب منه ترجيع الريحه ولكن ود البدرى كان انسان ذكى ذكاء يشهد له الجميع بذلك لقد قال ود البدرى للراجل خلى الريحه عندك ولاتغير شى واذهب الى زوجتك وقل لها يامره جننتينا وكملتى قروشنا بالريحه الغاليه حقت صانقير وقول لزوجتك بان ريحه ود البدرى رجعتها له واشتريت ليكى ريحه من ود صبير بسعر ضعف سعر ريحه ود البدرى مرتين فعلا ذهب الراجل واخبر زوجته بانه اشترى ريحه من ود صبير بسعر عالى جدا
قالت له ادينى اياها لكى اشمها وعند ماشمتها قالت له دى الريحه والا بلاش عليك الله هاك شم الريحه دى حلوه كيف
شكرا لبنت الدرادر التى رجعتنا الى الماضى والحنين اليه وكان ذلك قبل اكثر من ثلاثين سنه
منسوخه من ذاكره التاريخ
لى عوده
ليست هناك تعليقات:
إرسال تعليق